Revista de premsa

Per aquèlei que lo sabon pas, cambiam d’ostàu. Disem que la setmana que ven, nos escapam de monte siam e anam restar sabem pas encara monte, fins que podem amenajar dins nòstre novèu ostàu àu costat de la Tamisa (qu’es pas Venisa). V’escondi pas que nòstra fin de setmana es dedicada a tot botar dins de cartons. Fa mai de doas oras qu’ai començat (vuei ma fremna trabalha) e fin’ara ai begut tres cafés, messenjat mé lo Frigino e legit tots leis articles dàu jornàu dins lo qual ai l’intencien d’embalar lei tarralhètas e leis aganta-pòussas de la cosina (ben que per aquelei, es pas d'un jornàu qu'ai besohn mas, de l'enciclopedia universalis!). Un d’aquèstei articles disiá que desmenajar es una dei mai grandei fonts d’estress...

Comença ben aquesta fin de setmana.