Vous avez dit: "Health and Safety"?

Dins un monde, monte la volontat d'amparar la seguritat dei gents a quauquei còps perdut quauque siague forma de sènsi común, m'agrada de veire que dins quauquei cantons dàu monde (aqui a l'universitat de Praga), subsiston quauquei risquis a prendre l'ascendor per montar au plan den'aut.



Avec les contraintes de sécurité au boulot d'aujourd'hui, l'idée de voir (comme je les voyais au début des années 80') les pompiers qui partent dans leur ambulance J9 sans ceinture et la clope au bec, est maintenant impensable.

Pan amb oli

Ièr per far montar la pressien daù match d'aquesta vespre a Roma, regardèri una emissien de la TV3 de Catalonha (gramaci Hotbird) sus la finala per tastejar l'ambiènci dins la capitala. Mai lo que a la fin m'interessèt mai, fuguèt lo programmi dabans, que li dison en catalan, "El paisatge favorit de Catalunya", e subretot la presentacien de Peret sus lo litoraù de Barcilona. M'encantèt sa passien per la ciutat e son "barri". S'aviá poscut votar (pòdi pas perque fàu estre en Espanha per mandar lo sms), avrai votat per aquesta presentacien (benque lei dòas autrei presentaciens e la qualitat seis imatgis e son filmat m'agradaron tambèn). Espèri amé impaciença d'autrei presentaciens.

Tambèn ma fremna (que comprene gaire lo catalan nimai lo provençàu) me diguèt a la fin (en anglès): perque nos fasem pas una bella dimenchada a Barcilona quauque còp, m'agradariá de li retorna.

Aquò sariá una bòna ideia, puei podriam tamben anar salutar Pepe e Biscuter, beùre un còp de vin e manjar de pan am'oli àu bar de "l'esquina".

Leis Aùps dàu sud

Aquò es una foto que me mandèt mon fraire aquest'invèrn, deis Aùps dàu sud vistas de la cima de la montanha de Lura.

Ploù mai

Amics, vos ai pas oblidats, ma es que, per lo momènt, ai pas lo tèmps de partejar amé vosautres nòstreis aventuras (se podietz lei dire comaquò).

Ara qu'es neissuda nòstra bella pichota Mimì, avem gaire de tèmps per ren faire (e com'es quora ai ren a faire que vos escrivi… vos escrivi pas).

Puei, lo fach que nòstre aparelh fotografiqui marchava pus (en seguida a la decisien de mon pichon nebot de començar una carrièra de fotografi de chòc o de paparassi amé nòstr'aparelh), m'ajuda pas vos far veire lo que fasem de bèu.

Ben que perdetz ren perque, vuei, a Londres, ploù.

A pron.