Platjy lo Glawish

Fa ara quauqueis annadas que rèsti en Anglaterra e que me tròvi coma un mossèu de lard dins la sopa (la pansa a l’air). Mai es ti pas que, plan plan, deventriáu de mai en mai anglés, coma fondriá lo lard dins la sopa?

Me sorprenguèri l’autri jorn coma se fuguesse la darniera palha que rompesse l’esquina dàu camèu (coma dison aqui… la darniera gota).



Alor que plòuguiá e aviá de nebla a pas veire lo Mammot sus la tèulissa d’un supermercat Mammot (lo sabi, fa un biai que siáu partit), anèri me promenar dins lei Pentlands, en Escossa, laissant àu càu (àu costat de la chaminèia (qu'es totjorn de bòn’augura en juhn en Escossa)) ma fremna e ma sògra (belle-mère). Me perdiguèri solet dins lei falgas (fougères) e la bruièra, àu mitant d’un escabot de fedas (vesiatz lei fotos dessota), lei pès dins la fanga e l’aiga que dintrava dins mon T-shirt… me siáu jamai sentit tant ben (bessai (peut-être) a l’idèia de m’entornar a l’ostàu, prendre un bahn amé d’aiga torbada e un còp de whisky àu costat dàu fuòc, en familha).



De lo que fasiáu jamai quor’èri en Provença, m’agrada ara de:

• promenar dins la plueja e de tornar a l’ostàu coma s’aviáu pescat lo porpre (trempé);
• mixar mon juc de narangis amé d’aiga petilhanta;
• manjar lo fromatge aprèp lo dessert;
• manjar lo fromatge amé de biscuechs de civada (avoine) salats;
• bèure de tè tot lo jorn amé de lach (tamben quand siáu pas malàut);
• bèure de vin sudafrican e àustralian;
• aguer l’idèia que un jorn farai ma propra sidra e que ne berrai amé de colegas e de fritons de pòrc (j’ai d’ailleurs des copains qui sont plus gras que des fritons);
• manjar de beef pie (torta de carn (boeuf)), d’anguilhas e de purèia àu dinar en setmana;
• prendre (mai) de purèia de pisèus (petits pois) amé lo fish n’ chips dàu divendres a miegjorn;
• pendre un gin tonic abans de dinar (ma fremna ne fa de maxi-gigant que t’ensuquarien lo Mammot dàu supermercat);
• manjar un curry quand ai l’uòu (coma quaucaren per nos requinquilhar);
• sortir amé mis shòrts e havaianas (chanquetlas de platja brasilianas) quand i a un peçut de solèu defòra (tamben quand fa freg);
• méter una tonna de buèrri salat sus la tostada dàu pichon dejunar;
• manjar de carn amé de gelèia de cranberries (lo sabi pas dire en provençàu, nimai en francés);
• bèure lo whisky amé d’aiga (gelada) (aluòc de glaçons);
• escotar d’Elton John sus l’autorota (quand plòu, adonc totjorn) e de Kate Bush lo dimenge matin (lo que ma fremna troba very very uncool);
• manjar d’ensalada amé lei pastas;
• bèure de bièra rotge tebi (tiède); e
• condurre una Ford Mondeo (là je blague, il y a des limites).

Es com’aquo que lis imaginatz leis angléses? Perque se si, ara ne siáu un.